Kay胸贏陳凱琳搶「峰」頭　讚嘉穎好得意

無綫新劇《殭》到長沙灣拍攝外景，劇情講述謝安琪（Kay）與陳凱琳（Grace）被關禮傑捉走，鄭嘉穎前來營救，Kay乘機赤腳逃走，最後嘉穎與關禮傑街頭激戰。赤腳上陣本已經噱頭十足，但Kay還出動秘密武器，因身穿白色羊毛衫令雙峰被緊「Big」得表露無遺，跑街時更上下跌蕩，十分震撼，隨即成為網民熱話！Kay出動「胸器」輕易搶走一對緋聞男女嘉穎與Grace的風頭，身為女主角的她今次威番次！

貼膠紙防爆甲

赤腳跑街的Kay曾試過跑爆腳趾甲，故今次好醒目，事前在腳板底貼上膠紙，但始終不及雙峰「吸睛」。對於獲網民激讚身材，Kay指因在荷蘭取景時肥了十多磅：「天氣好凍，喺嗰度成日食薯仔、薯條，又飲奶同食芝士！」並表示拍攝此劇全程投入：「身材係其次，最重要Keep住個心態同狀態！」

喪做冇覺好瞓

不過，從荷蘭返港後，Kay呻做到冇停手，很久未有連續睡超過四小時，對於老公張繼聰指她「夾帶私逃」飛到荷蘭，只餘下二千元給他，Kay笑說：「佢睇得太多《古惑仔》啦！覺得去荷蘭就係走咗唔返嚟！」問在荷蘭有否見到嘉穎與Grace有「景轟」？Kay說：「我對眼天生睇唔到人哋拍拖喎！我又唔會去八卦，你問番主人家！（嘉穎春風得意？）佢不嬲都好得意！」