佘詩曼媽媽爆阿女舊年送樓前年送車

佘詩曼母親Lily中午現身出席尼泊爾賑災受難兒童慈善午宴，現年65歲的Lily擁有一頭白髮，她直言是遺傳了她媽咪：「其實我30歲就開始染髮，但之後頭頂仲係有幾條白髮。依家冇染變白晒，朋友仲以為我係特登去染o添，阿佘（佘詩曼）遲吓都會同我一樣，佢12歲嘅時候就有第一條白頭髮。」

在70年代曾擔任港台DJ的Lily直言正在享受退休生活。提到明天的母親節，Lily透露仔仔會請食日本菜。問到阿佘當天會否有空陪伴？Lily就笑言：「佢應該得，唔可以唔得啦。（阿佘送咗咩禮物畀你？）上年送咗層村屋三層畀我當母親節禮物，前年送車。今年我個仔送錢，佢畀筆錢我。以前我湊仔好辛苦，依家係收成期。人生去到依到，最重要係過得好！」