張嘉兒冧爆重提求婚過程：幾多卡都Yes！

前港姐冠軍張嘉兒出席慧妍雅集慈善晚宴，對於今日正式宣布與圈外男友的訂婚喜訊，她大方分享喜悅：「咁遲同大家講，好開心，我終於結婚啦！（婚禮籌備成點？）九月會喺溫哥華註冊同行禮，因為雙方家人都喺溫哥華，之後會再返香港補擺酒，依家結婚戒指同婚紗都仲未買，呢幾個月要籌備好。（咁趕？）兩年以前經求咗，上年家姐結，今年到我，排住隊！」

暫未打算生B

嘉兒表示未婚夫於遊輪上求婚，一邊看住電話睇稿讀出愛的宣言，而她亦邊聽邊喊。問到求婚戒指卡數約多少，她表示：「唔係好淸楚，幾多卡都會Say Yes！（之後做少奶奶？）除咗做少奶奶，但都會想繼續做嘢，因為要有生產力。（計劃生B？）暫時想二人世界先，父母都冇催，但姨丈話想我雙喜臨門喎！」