曾醒明強調TVB冇為《武則天》「封胸」

無綫外購劇《武則天》又創佳績，昨晚雖然撞正母親節，但收視不跌反升，平均收視24點（約154萬觀眾收看），比對上一個周日上升了3點，而《武》劇周一至周五平均收視則為25點，比對上一周升1點，周六21點，冇升跌。

無綫企業傳訊部副總裁曾醒明強調：「坊間仍有人誤解，以為係TVB主動（為《武》劇女演員）『封胸』，唔將原版《武則天》畀香港觀眾睇。其實呢個係外購劇，買嘅時候，片主及製作單位提供呢個版本。有人話TVB做乜『封胸』、自我審查，令TVB蒙不白之冤，我想強調番，以正視聽。」

此外，汪明荃主演新劇《華麗轉身》上周平均收視24點（約154萬觀眾），比對上一周升1點，最高收視27點（約175萬觀眾）。