薛凱琪落街跑步最驚見到男人

歌手薛凱琪（Fiona）下午連同鄧麗欣（Stephy）一同出席九月在中環海濱舉行的馬拉松比賽記者會，連同方力申一同獲委任為大使的她們均表示屆時會一同參與。

自言經常跑步練氣的Fiona稱，平日練跑多數留在健身室，她說：「收工好多時都好夜，搵唔到人陪我跑，以前試過夜晚自己落街跑，但一個人跑有啲驚，一見到附近有男人就會跑快啲想避開佢哋，但咁樣就好攰，所以寧願跑番跑步機。」問到可打算找個男朋友陪練跑？她笑說：「咁又唔係要特登搵個人陪跑，我交畀上天安排。」

Stephy遭小方嫌跑得慢

至於Stephy亦表示喜歡在健身室跑，她說：「試過响街度跑遇到啲踩單車嘅人，佢哋會特登追過嚟睇吓你，雖然我知道佢哋無惡意，但個心都係感覺怪怪地，所以都係跑番室內。」至於為可不跟男友方力申一齊練習？她說：「佢成日嫌我跑得慢唔同我跑，加上佢鍾意同一班男仔一齊，除晒衫咁跑話順便曬太陽，所以無預我。」