與鄭嘉穎有宿世姻緣？陳凱琳：唔係正式拍拖

藝人陳凱琳到元朗為無綫劇集《殭》拍攝外景，原本陳凱琳與緋聞男友鄭嘉穎同場開工，但嘉穎卻因身體不適缺席。

劇集則拍攝陳凱琳吊威吔飛天戲份，講述陳凱琳與鄭嘉穎的隔世情緣，陳凱琳為求證明自己可以不死及飛天，故戴上翅膀飛翔望打動嘉穎。陳凱琳在烈日下拍攝吊威吔戲份，來回被吊起拍攝廿多次，加上又要拍攝飛翔失敗倒地的戲份，認真考驗體力，但陳凱琳並無怨言，表現專業，她更識做請工作人員飲凍飲解暑。

陳凱琳受訪表示不是第一次拍吊威吔戲，好彩自己沒有畏高，她說：「之前拍《張保仔》試過喺廠拍吊威吔戲拍足九個鐘，今次室外拍好爽，但係有風難度就高啲。（有冇請教嘉穎？）有武指在場ok嘅。（嘉穎病咗？）都知佢有少少唔舒服。（有冇慰問吓嘉穎？）大家都好關心佢嘅。（心痛嗎？）好快會冇事。（係咪要避免同場？）唔會，今晚大家都已經要拍廠景。」

劇中陳凱琳與嘉穎有宿世姻緣，現實中她是否相信？她笑說：「自己現實中就唔相信，但都尊重呢個睇法。」提到緋聞男友，陳凱琳說：「唔係正式拍拖，依家要開工，所以都冇乜進展，大家仲係朋友。」

講到好姊妹劉佩玥與黃又南傳撻著，她說：「唔清楚，亦唔會八卦，佢想講自然會講。（《殭》造就唔少戀情？）人㚒人緣，如果傾得埋開心，多少少發展都唔出奇，佢兩個都好爽，眼見佢哋都啱傾。」