堅定流！陳慧珊由細睇到黃智賢大？

黃智賢（Ben）與陳慧珊（Flora）為新劇《波士早晨》到西貢取景，劇情講述飾演秘書的Flora向「箭靶老闆」阿Ben射箭，被綑綁在十字架上的男方苦苦哀求，場面搞笑。

大讚喜劇好玩

劇中，Flora與阿Ben多次互相廝殺，Flora笑謂：「佢恰咗我廿集，梗要射吓佢啦！」她又自稱未拍過喜劇，感覺好好玩，阿Ben亦大讚她有潛質：「佢都幾癲㗎，有時又諗啲idea放喺裏頭，佢嘅喜劇細胞都okay。」會否恨再拍喜劇，Flora說：「冇乜所謂，總之天時地利人和，所有嘢時間啱就拍，今次都有扮醜，我哋盡情地搞笑。（之後想拍劇？）啱時間就拍，我都鍾意呢行、鍾意拍戲。」

合作有默契

兩人又大爆有咀嘴戲，阿Ben更抵死笑謂：「呢啲唔使問，一定有，冇就自己加！」爆笑的Flora則指劇情需要也會配合。談到阿Ben與Flora首次合作，Flora即認細笑道：「我由細睇到佢大，佢唔信咋嘛，我未入行已經睇佢。（合作完覺得佢點？）好好，大家都好專業、好有默契。」