關之琳否認與陳泰銘結婚：唔需要一張紙

「大美人」關之琳（之之）出席藝術展覽，身穿白色通花短裙亮相，顯得明艷照人！問到會否出席好友鍾鎮濤與范姜在香港補擺的喜酒？之之表示當日身在外地旅行，故未能出席：「上次峇里我負責做證婚人，我啱啱先喺意大利返嚟。（去玩？）出席威尼斯雙連展，之後再去歐洲旅遊，不停食同玩。（補送禮物？）佢哋上次結婚，我送咗龍鳳鐲畀范姜。」又指預備禮物非常困難，因不知是否適合兩位好友心水，會考慮購買情侶配帶的飾物。

對於經常傳出與富商男友陳泰銘結婚的消息？之之表示傳聞不可信：「冇計劃過，每年都傳由得佢。（咁有冇計劃？）大家冇計劃，生活好好已經足夠，關心我同錫我，唔需要一張紙（結婚證書），自己唔想有壓力，因為大家年紀都成熟，依家最緊要開心健康，食得玩得。」