仲係發展中？陳凱琳爆父母對嘉穎印象好

無綫小花陳凱琳（Grace）出席活動時，提到她與鄭嘉穎的「忘年戀」再惹新聞，有指父母不滿嘉穎年紀大，母親要棒打鴛鴦，連母親節都沒有留港便返加拿大，對此Grace表示：「其實媽咪兩個幾月前已經返咗加拿大，母親節陪唔到媽咪，所以就喺instagram上載咗同媽咪合照寫I Miss You。（父母見過嘉穎未？）未嘅，我哋一直拍緊戲，等套戲拍完我就會返加拿大探佢哋。（帶埋嘉穎？）一個人去。（嘉穎唔去埋點樣了解多啲？）所有嘢慢慢嚟，我都係了解當中。（爸爸係咪介意嘉穎年紀大？）父母都好認識我為人，知我做每個決定都會諗過，為自己幸福去做每件事，最緊要開心。」她又謂父母會給予空間她去了解及認識朋友。

繼續喪讚嘉穎

問到父母可有說過想與嘉穎見面？Grace謂：「呢方面唔使咁心急嘅，順其自然就得。（對嘉穎評語？）印象係好嘅，我都有同爹哋媽咪講嘉穎係一個好好嘅前輩，拍戲幫我好多、好體貼、好關心身邊嘅人，所以好印象嚟架。」

Grace稱會六月返加拿大，而正在拍攝的戲集會先拍完她的部份，而嘉穎則會繼續拍。嘉穎經常被指年紀與Grace有距離，問到可擔心對方會為傳言不快，Grace說：「佢唔會，反而佢對每段新聞睇完就算，冇乜嘢，我同佢都睇得好casual，得啖笑。」母親可有睇過嘉穎的劇集？她謂：「睇過嘅，但我冇問邊部，冇乜所謂。」