林文龍升呢做老闆　簽埋老婆？

藝人林文龍早前秘密入股由「漫畫教父」黃玉郎投資的電影公司，榮升老闆的他早前與公司旗下全體藝人，一同拍攝全新一輯宣傳照，包括同為老闆的黃玉郎及「怪談女」林熹瞳（Rachel），以及剛簽約成為旗下藝人的艾威、楊天經與新人陳聞平，眾人均以盛裝造型亮相。

林文龍透露與另外兩位老闆也相識了一段時間，對於公司前景非常有信心，坦言做生意有一定的風險，但會盡力而為朝住目標進發。問到太太郭可盈可有給予意見？他透露事無大小也會與太太分享：「一人計短二人計長，多啲溝通就有更好諗法。（簽埋太太？）咁即係要簽埋我個囡（林天若），因為佢哋係Twins嚟，二為一體分唔開，其實自從囡囡出世之後，我盡量都將時間放喺香港，以前都係一半一半時間，呢幾年好明顯偏向喺香港。」

黃玉郎不避嫌大讚林熹瞳

而黃玉郎則透露公司成立經理人部門，個人投資已高達七位數字，目的是希望未來開拍電影時能有固定班底，近日也開始籌備以驚嚇為題材的新電影：「自己不嬲都好鍾意電影，今次係非常好嘅嘗試，有意邀請大陸一級女演員做女主角，因為要向北望，為公司發展大陸市場。」他更大讚緋聞女友兼拍檔Rachel，對於工作非常上心：「我會用七個字形容佢，就係『多才多藝，好博命』。」而Rachel則表示自己今次角色是負責串針引線，為公司找來多位有潛質的藝人，近日則忙於為早前已拍攝完成的電影《我們停戰吧！》尋找發行商。另外，身為公司第一批藝人的艾威及楊天經，同時獲三位老闆大讚演藝細胞出眾，但他們竟自爆入行前原先是希望向歌手路線發展，故希望公司為他們組合成團體。