網民熱話：Twins新歌強勢回歸

如果你係八、九十後，相信學生時期去唱K一定唱過Twins嘅歌！佢哋有好多歌如《愛情當入樽》、《戀愛大過天》、《女校男生》等，相信無人不曉，最啱唱K時點嚟炒熱氣氛！不過近呢幾年，兩位成員蔡卓妍（阿Sa）同鍾欣潼（阿嬌）因為專注於個人發展，數吓手指，Twins已經好耐冇出過新嘅合唱歌喇！

依家佢哋相隔5年再出合唱歌《LOL》，各位粉絲當然吼到實啦，雖然正式MV仲未推出，只得字幕版，但一眾粉絲已經狂Loop嚟聽！新歌節奏輕快，充滿歡樂嘅感覺，唔少網民都大讚「以前嘅Twins返番嚟啦」、「覺得好青春啊」，又話「Twins最適合唱呢類既（嘅）歌」！

不過口味依樣嘢，有人鍾意，亦有人彈。有網友就認為Twins已經畀潮流污染咗！佢哋覺得新歌K pop味好濃，節奏感強，歌詞又成日重覆，好洗腦Feel！佢哋仲話覺得以前嘅Twins係最pure最true添！

網民有話兒：

Soxxan Txxxg：激動死我了！

nxxhixx4：Twins！好歡樂好洗腦的歌　

Faxxo Hxi：等了又等，終於又一作…陪我長大的90後巨星組--為你們的努力感到滿足！任何時間支持你們TWINS！

Lexx Wxxg：Twins最適合唱呢類既（嘅）歌！welcome back！

loxxxaixxxxev hk：我都覺有番以前佢地（哋）既（嘅）歌既（嘅）感覺，後生d（啲），young d（啲）好～～