網民熱話:英文版《華麗轉身》你Buy唔Buy?

[18:32] 22/05/2015
東網電視
更多新聞短片

「經過那些年~」呢五個字真係睇到都有聲,皆因由阿姐汪明荃主唱無綫劇《華麗轉身》同名主題曲《華麗轉身》,副歌第一句就係「經過那些年~」,但其實唔止主題曲愈聽愈洗腦,劇集亦帶挈飾演汪明荃囝囝嘅王梓軒(Jonathan)備受注目!本身係創作歌手嘅佢更食住劇集熱潮,改編咗個《華麗轉身》英文版《Haven》,將「經過那些年~」變成「After all these years~」,又將「在我轉身的以後再出發」改成「In your love I've finally found My shelter」等,聽落同樣順耳,佢仲搵埋好友兼本地音樂人徐偉賢伴奏,齊齊喺錄音室拍埋MV,製作相當認真。

雖然早前Jonathan因為喺節目上計錯數而被網友取笑佢「神算軒」,但今次Jonathan做番最拿手嘅音樂,加上佢喺外國生活多年,唱英文歌當然無難度。佢改編嘅英文詞更獲得唔少網友激讚,留言話雖然歌曲意思唔同咗,但意境依然浪漫,今次Jonathan總算一洗污名!有網友大讚呢個英文版同原裝版各有千秋,都好值得推薦上勁歌金榜,更有網友話Jonathan可以帶埋呢首歌勇闖歐美樂壇咁話!

網民有話兒:
正美XXX:認真,幾好聽
LeoXXX:Jonathan好深情,演得好好!真心覺得唐榮的離開,是編劇很好的安排。獻給華芳凝,唐榮的最後一曲。感動
Hom SXXX:好好聽!要上TVB勁歌榜,再拍一段唐榮與華芳凝MV!要大力推薦去歐美樂壇!
Wong HXXX:好好聽!令人沉醉的一首歌
ng XXXcolin:好鬼正,點解你咁有才華架!Love you Jonathan&唐榮!