蔣麗莎B哥婚宴狂集郵　影帝歌神唔少得

藝人陳浩民及其老婆蔣麗莎（Lisa）昨晚齊齊去到鍾鎮濤（B哥）與范姜的婚宴，場內星光熠熠，非常熱鬧。Lisa亦滿場飛集郵，跟張學友、張家輝、梁朝偉等一眾紅星影相，愛妻號陳浩民全程亦陪住老婆。收獲豐富嘅Lisa事後就於微博大晒「戰績」，仲賣口乖咁話B哥婚禮嘅陣容好似香港金像獎红地氈一樣：「婚禮好比香港金像獎红地氈，張學友、張家輝、譚詠麟、曹格、温拿樂隊、曾志偉、杜德偉……各大影帝加歌王一展歌喉，現場Hi（High）翻…再次祝福B哥哥白頭到老，幸福快樂。」