羅志祥捱到病入院休養

台灣舞王羅志祥（小豬）向來「忙到甩轆」，除咗演藝嘅工作之外仲要忙住打理潮牌嘅生意，真係得閒死唔得閒病！就算係鐵人都會有倒下嘅一日，小豬喺微博表示自己壓咗近一個月嘅病終於撳唔住，最後搞到要去醫院吊鹽水：「一直告訴自己千萬不要生病 每次只要一有感覺不對就趕快拿感冒藥來壓，就怕生病了影響所有的工作 算算壓了也快一個多月了，前晚終於發作了！」

小豬仲認為做藝人一病親就好大鑊，所以今次佢只可以畀自己最多休息兩三日：「當藝人真的是沒有生病的機會 就算有也只有兩三天讓你復原的時間！因為再過幾天又有重要的事要完成，我好很多了，謝謝大家關心！」粉絲見到小豬咁樣都覺得十分心痛，於是紛紛留言叫佢好好休息，唔好為咗工作而忽略身體健康！