黃翠如介意被指向蕭正楠逼婚：太唔型喇

藝人黃翠如在將軍澳電視城出席無綫劇《愛．回家》造型活動。劇中與張繼聰飾演情侶的她就表示拍檔身在大陸未能出席。早前她在微博自爆「失戀」，她就坦言其實是狗狗失戀：「隻狗每次見到個白色公仔就好興奮，為免佢太興奮，所以就拎走咗隻公仔，佢就好唔開心。」有報道指她向男友蕭正楠逼婚，翠如就直言逼婚「好唔型」，更謂：「我個人係好崇尚型格生活，所以呢啲字唔好再用喺我度，太唔型喇。」雖然劇中好緊張婚姻，但她就指現實中好獨立，小時侯更考慮過與家姐、細妹過全女班生活，所以再次否認與男友同居：「間中相聚吓好正常。」又指男友即將到大陸拍攝外景，而自己又有兩套劇在手，相見很難：「幫我問候吓佢！（上次見幾時？）尋日喺公司見到佢，佢last廠。」又指就算真的同居也沒有問題。