陳豪cool爆減肥 擱置開咖啡店

20150529
東網電視
更多新聞短片
阿Mo話低調發展緊間咖啡店。
藝人陳豪(阿Mo)以cool爆新髮型出席護膚品牌活動,在台上表示為新劇試造型。訪問時,他表示為新劇造型進行減肥:「瘦咗1.5個碼,冇計輕咗幾多,食少咗份量。」談到阿Mo在台上表示見到兒子什麼煩惱都拋諸腦後,以千萬換取也值得,他說:「真心話,見到佢哋開心、健康,咩煩惱都冇晒,對我就係最好嘅嘢,就算幾攰,見到大仔嘻嘻哈哈都覺得好開心。(太太湊仔好辛苦?)辛苦,宜家開始要佢哋自律,唔可以太過放肆,要開始講道理。」
阿Mo又表示與太太陳茵媺立場一致,沒有一方做「好人」或「壞人」,記者問到如果生女兒時會否破戒?他笑說:「有咗個女先答你!(老婆唔做嘢?)暫時唔住,我好支持佢工作,我係佢fans!」另外,提到有指他受高人指點而擱置開咖啡店計劃,他表示:「一直都進行緊,低調發展,未方便公開住。(業主減租都唔租,迷信風水?)我係一個投機嘅人,好嘅機會我會go ahead。」