知衰戒夜蒲　彭懷安用行動冧朱慧敏原諒

藝人彭懷安（Eddie）休息一個星期後首日復工，現身將軍澳電視城拍攝無綫新劇《末代御醫》。早前他被《好報》影到夜蒲後送女歸家兼借宿一宵，從而與未婚妻朱慧敏交惡。事隔半個月至今Eddie與朱慧敏經已初步破冰討論二人的問題，不過彼此仍處於冷靜期，而婚禮酒席等亦需延期，Eddie說：「其實結婚之前都有問題，解決晒啲問題先結婚都應該，最緊要都係兩人嘅相處。」

未計劃赴英搵朱慧敏

而Eddie明顯知錯，提到夜蒲一事都怕怕，他說：「冇乜必要就真係減少啲。（依家仲係未婚夫妻？）暫時唔想咁講住，因為要同佢實實在在溝通好先，要畀啲時間用行動證明。」而Eddie亦決定畀多啲空間朱慧敏，暫時唔打算飛去英國搵朱慧敏。