唔搵男友幫？蔡卓妍等人出錢合作搞時裝

藝人蔡卓妍（阿Sa）出席時尚商場開幕活動，她表示平時會趁減價Shopping，笑言是消費者的權利，問到會否為男友陳偉霆買衫？她笑說：「我會幫身邊人買，佢哋都幾信我品味，好似Mani（霍汶希）叫我見到啱就直接買畀佢。（可以轉行？）我由細到大都想做設計，大個就想做時裝雜誌記者。（會唔會搞online shop？）其實有實行緊一啲嘢，開舖好難計到條數，數口太差，我等緊一個投資者。（叫男友畀錢啦，佢呢排咁有錢？）唔係呢方面，係要啲時裝人，有埋廠房。（夢想開舖？）開舖太貴啦，我夢想係做啲衫，我已經設計咗啲版，打咗價，但成本太高，mark價太貴又冇人買。」她又透露有跟好姊妹阿嬌（鍾欣潼）計劃推出以Twins名義的服飾，希望今年可以成事，記者笑指她們可叫老闆楊受成打本？她即謂楊生做開「大茶飯」，不過若對方肯打本也「唔拘」。