戥穿石遭搶銀包 唯唯灌烈酒被催生

20150529
東網電視
更多新聞短片
接受訪問時,全程由唯唯回答,因為新娘Tina怕醜。
無綫藝人梁烈唯(唯唯)與圈外女友駱保雯(Tina)結束13年愛情長跑,於去年一月一日在港註冊後,今日在酒店設婚宴延開52席宴請親朋。
新娘Tina穿上傳統裙掛由身穿紅花西裝的新郎唯唯陪同會見傳媒,新娘雙手共戴了八隻龍鳳鈪,金光閃閃,新人4度咀嘴後,新娘因怕醜由唯唯單拖上陣回答訪問。
32人兄弟姊妹團
唯唯稱上午接新娘期間,由藝人包括袁偉豪(Ben)、林盛斌(Bob)、黃長興、鄭俊弘、衛志豪、陳敏之和胡定欣及一對新人的親友等組成「戥穿石」和「姊妹團」來「恭侯」,人數多達32人,坦言被玩到「好甘」:「Bob扮Elsa公主最好笑,Ben跳舞最跳得。(接新娘順利?)今朝敲門20分鐘先開,一開就問攞錢,班兄弟團畀人搶銀包,開門利是就5位數字,我哋就畀(姊妹團)隊Welcome Drinks,60幾度烈酒,玩認腳指又認錯,一共飲咗兩杯,飲完都飄飄哋!」
老爺奶奶望生孫女
談及愛的宣言,唯唯說:「冇壓韻嘢講,錢我就一向都畀晒老婆,繼續搵多啲錢啦!(感動位?)斟茶畀爸爸時,佢就喊啦!父母好想我哋快啲生孫女,我爸爸好鍾意囡囡,我出世時畀改名為『海堤』仲着好多粉紅色衫添!(加快進度生BB?)今朝飲多咗兩杯都已經想啦!上天安排啦,壓力大,反而冇!」