《萬凰之王》組合重遇　定欣杏兒宣萱喜相逢

藝人胡杏兒同胡定欣一向情同姊妹，二人仲同胡蓓蔚合稱「胡氏三姊妹」，不時孖住一齊周圍玩，昨晚杏兒同定欣齊齊出席聚會，席上仲有宣萱，三人曾經合作拍過無綫劇，佢哋百忙之中難得有機會聚首一堂，當然要合照一番啦，杏兒同定欣都有喺網上上載三人合照問：「還記得這個是甚麼組合嗎？」三人仲開心到齊齊露齒笑，而網民亦都好醒記得佢哋喺《萬凰之王》合作過，唔知佢哋幾時會再合作呢？