張栢芝新加坡被粉絲捕獲長裙遮凸肚

東網電視

栢芝早前被《好報》拍得肚凸凸在中環出巡，而佢最近已經返咗新加坡，同粉絲合照嘅佢都係着咗條長裙，遮住粗腰。

現居新加坡嘅張栢芝不時畀人見到喺當地行街食嘢，而親民嘅栢芝仲會停低同粉絲自拍一番，成功捕獲偶像嘅粉絲梗係要即刻喺網上大晒合照同大家開心share啦，之前現身中環超市時仲離奇肚凸凸現粗腰嘅栢芝，似乎就返咗新加坡啦，佢仲去咗當地一間西班牙餐廳開餐，難得女神大駕光臨，該餐廳嘅員工更興奮到拉埋栢芝一齊大合照，身穿長身格仔裙嘅栢芝，仲成功遮住條粗腰添！

on.cc東網