被批遲婚　黃心穎立誓：35歲生BB

前港姐黃心穎在鑽石山出席無綫《2015香港小姐競選》最後召集活動。問有否叫朋友參選，她笑言好多朋友已經超齡：「同埋大部分朋友都喺溫哥華，所以佢哋參加都可能係參加華姐先。（你超齡？）差唔多喇！我都26喇，你係咪要我講出嚟『我26歲喇！』哈哈！」

問心穎BB的好友們是否開始陸續嫁人？她說：「係呀！我有幾個朋友已經生咗小朋友添喇！」但指各人所追求的總有不同：「我喺加拿大時都諗自己會好早結婚，諗自己25歲前生小朋友！過咗喇！係咁推遲！（依家想幾多歲生？）希望35歲前！35歲一定要生到！」

麥玲玲批36歲結婚

她強調尚有9年時間達成目標，但玄學家麥玲玲卻認為她適宜遲婚：「佢話我36歲時呀！（生咗先結婚？）睇吓點先，我都唔知！我諗我係傳統啲，結咗婚先生BB！」