同有鬚鄭嘉穎咀嘴拮面？陳凱琳：唔知呢

藝人陳凱琳（Grace）出席兒童故事演講比賽活動，透露兒時未有參與過，但老師上堂時會花45分鐘為他們講故事，父母亦會於睡覺前向她講，故她有意效法將來也向自己小朋友讀故事，今趟回加拿大小休也特別保留一半舊書。

談到與鄭嘉穎感情進展，Grace笑指冇進展，因剛回港才一天，但今晚會於《殭》煞科飯上碰面，問到完成劇集後是否多點時間約會？她謂：「之後要去上海同法國做嘢。（有冇買加拿大手信畀嘉穎？）冇特別。(你病咗有冇問候你？）好多人都有，佢都有。(佢剃咗鬚年青咗！）未睇過。(型啲？）未見到，不過佢未拍呢套劇之前都冇鬚啦！(鍾意佢有鬚定冇鬚？）冇乜所謂。(有鬚kiss會拮！）唔知呢！」