沈震軒喺歌迷心中地位重要過男友！

藝人沈震軒（Sammy）現身尖沙咀一商場舉行新碟簽唱會，即席同粉絲大玩遊戲及特設的示愛環節，勝出的粉絲還可以得到Sammy愛的抱抱及親手餵朱古力。

受訪時，Sammy表示今日心情緊張，因為是其首個簽唱會：「因為依家都拍緊套驚慄片，都有少少影響。之前試過連續幾日冇瞓上《勁歌金曲》，好大鑊，所以要逼自己練多啲，做得歌手就唔想簡單了事，practice makes perfect！」

提到有位歌迷將自己放在第一位，連男朋友都只能排第二，他笑言：「最好唔好啦，怕周街都仇口，好危險！我嘅形象就係希望佢哋將來嘅男朋友似我，咁就最sweet。」Sammy表示入行前曾有意做老師：「想做個好榜樣畀大家睇。」問到可有遇過粉絲的過火行為時，他就大讚粉絲好乖，但內地的粉絲就比較瘋狂。