陳凱琳爆親戚好關注「穎琳戀」

陳凱琳（Grace）在灣仔出席無綫新劇《殭》煞科宴。問她拍畢此劇後會否感到依依不捨，她謂：「都會o架，因為呢個算係長劇，之前《張保仔》就拍咗5個月，呢次就拍咗4個半月，拍親嗰啲都係長劇嚟嘅。（最依依不捨係？）梗係我啲朋友啦，所有人嘅，尤其是去完荷蘭之後，同Anjay（陳嘉寶）、Winki（賴慰玲）都好好朋友。（咁嘉穎呢？）同大家都好好朋友！」又指日後會再約一眾演員食飯。問若果緋聞男友鄭嘉穎單獨約她會否應承，她謂：「都可以約出嚟食飯嘅。（約咗你未先？）未呀，大家都繼續忙緊其他嘢。」問親戚們有否跟進她和嘉穎的新聞，她就指他們都非常關注：「次次有報道佢哋都會Post出嚟，話『咦，你又有新聞喇，你冇乜嘢嘛』，講咗少少覺得啖笑就冇乜嘢，大家都好體貼。（嘉穎想追你唔係得啖笑啩？）屋企人都會畀啲空間我哋，都係一樣！」

問煞科宴後是否有人送她回家，她謂：「一陣都會坐的士返屋企。（嘉穎有冇車過你？）我諗佢有司機，佢好少揸車。（如果佢兜埋你呢？）如果順路一齊車埋都冇嘢嘅，朋友車朋友都唔係好大件事。」