嘉穎約硬陳凱琳食飯：見到唔好大驚小怪

鄭嘉穎在灣仔出席無綫新劇《殭》煞科宴，更應記者要求與緋聞女友陳凱琳合照，非常大方。剃鬚轉Look的他在訪問時就笑言帶來不同感覺：「12月尾開始留，留咗兩個禮拜先拍。」又指《殭》是演藝生涯中最長的劇：「呢套劇好冧（辛苦）！係我自己嚟講最長嘅劇。」問他會否不捨得陳凱琳，他笑謂：「我哋拍完劇啫，都仲係朋友，我同TVB又未滿約，都仲有機會合作。」

問拍完劇後會否單獨約對方，他謂：「有分數o架喇！總之就會啦，會出嚟食吓飯，因為小弟下個月都要返大陸拍劇，食吓飯先啦，之後再去做嘢！」又指與對方合照時不覺尷尬，更謂：「多謝關心，見到食飯時唔好大驚小怪啦！」