陳嘉寶撇狂粉靠Call的士

藝人陳嘉寶（Anjaylia）在灣仔出席無綫新劇《殭》煞科宴。問早前獲狂迷「送」智慧齒的她是否驚魂未定？她謂：「驚就驚完，之前嗰排就好驚，因為佢都試過跟我一段路，跟咗一輪，但見佢冇乜動靜。」又指自己因此而加強意識：「習慣咗Call的士，依家同佢哋好熟！佢哋車到我樓下都會望住我走先會開車，所以都好放心，同埋拍呢套劇都有學泰拳。」

隨後Anjaylia亦表示，回家時會長期手執電話，以便隨時報警：「又或者同男朋友、同啲Friend傾偈，同佢哋講自己去到邊。（男朋友唔送你返屋企？）送唔得咁多，自己成日都出街。同埋唔一定係夜晚嘅，日光日白都可以有事發生！」有指狂迷「轉軚」追Super Girls，她就表示有提醒她們小心：「希望佢哋都小心啲，公司同事見到嗰個人都會好緊張，即刻隔離！」另外，監製陳維冠就表示煞科宴由他自己加鄭嘉穎和謝安琪三人出錢結帳。