慎入！吳若希扮鬼嚇粉絲

長腿女神吳若希（Jinny）早前經歷母親炒單車意外及外婆病逝，不過堅強嘅佢依然樂觀面對，心情亦慢慢恢復過來，一向鬼主意多多嘅佢仲扮鬼嚇粉絲，佢將自己嘅相P成爛面喪屍，搞到塊面血淋淋，仲拎住隻鬼娃娃，真係見到都心寒呀！佢更調皮地同粉絲講：「睡了嗎？！祝你發個好夢。」相信唔少人都中咗招畀佢張恐怖相嚇親，仲可能會發惡夢啊！