潘瑋柏伸脷「奶」楊丞琳?

台灣女星楊丞琳最近同內地歌手李榮浩嘅緋聞傳到熱哄哄，點知原來兩人未認拍拖已經有第三者？而呢位第三者就係楊丞琳好朋友潘瑋柏！佢哋喺頒獎禮碰面，男方喺同楊丞琳玩自拍時大膽伸脷作狀「奶」佢面珠，除咗呢位「第三者」，楊丞琳仲同其他好友包括王心凌同埋郭靜合照，佢仲話：「Hito流行音樂獎，最開心的就是可以和朋友們相聚！謝謝Hit Fm讓我擔任今年的表演嘉賓，觀眾們很給力！更感謝的是，下台之後，你們還貼心的全場大合唱生日快樂歌為我暖壽！太感人了！」