網民熱話：蔚雨芯獲封新一代電波少女

有「翻版周秀娜」及「魔鬼胸」之稱嘅o靚模蔚雨芯（Rainky），初入行憑住32D驕人身材「突」圍而出，順勢推出寫真集，成功奪得一眾宅男芳心！直到最近，Rainky喺《潮拜武當》中卻收起「魔鬼胸」，多以簡單運動服現身，性感Rainky化身為清純高中學生Mia，唔少宅男都跌晒眼鏡！今次Rainky雖然收起性感火辣，但收一收「火」卻打造出健康形象，有出乎意料效果。加上其玲瓏浮凸嘅火身材都難以被高領運動服掩蓋，同樣有睇頭！網民都對「健康版」Rainky相當滿意，大讚佢「又Pure又True」，仲有人開Post提議封佢為「新一代電波少女」！

早喺1998年無綫推出嘅女子組合「電波少女」，當年成功俘虜一班年輕人，掀起全城話題。雖然目前電波少女已經解散，但仍有唔少80後嘅網民懷念當年佢哋嘅青春活力。而今年只有21歲嘅Rainky，曾自號「青春達人」，如果要重組「新一代電波少女」，網民指Rainky絕對係不二人選！喺《潮拜武當》中，Rainky以簡單造形亮相，放低初出道時濃妝與性感，加上佢喺劇中性格率直，因而更添一份清純可愛，絕對似足當年嘅「電波少女」。又有人將Rainky同「電波少女」組員之一嘅姚樂怡相提並論，翻Loop姚樂怡舊照之餘，大讚兩人外表同樣好「Girlgriendable」（好有女朋友感覺）！

網民有話兒：

凡xxx：我認唔到邊個係蔚雨芯！

運xx：一拍戲就一鳴驚人

xxx我愛你：帶上副眼鏡真係好PURE好TRUE

留名xxx：有波有腳

Keith_Eilok 果然係魔鬼胸