余文樂公開揾女友：好似有需要

型男余文樂出席名車活動時，表示希望有人送車給他，並說：「我好想做車嘅代言，一世唔使錢揸車。（有幾多架車？）六架左右，但搵停車場好麻煩，好難搵車位，住宅嘅車位又唔夠大。（買車位？）租不如買，但冇人肯放，好值錢。（冇位泊車，家人有冇叫你賣車？）有提議，但自己唔捨得。」

另外，有傳他與曾合作電影的女星馮文娟拍拖，他否認：「好明顯係電影宣傳，我哋得一場戲，見過一次。佢係好勤力嘅演員，我都唔知傳緋聞。（因為你單身？）所以好多人都入埋我數，你哋有冇介紹，幫我搵個好啲。我有朋友話見我咁慘，想介紹圈中女仔畀我識，我覺得好瘀但又好似有需要，我阿哥連女都生埋，阿妹又結婚，大家距離愈嚟愈遠。（阿媽有冇介紹？）佢介紹嗰啲都不是好介紹。」