洪永城演魔鬼教官　先向唐詩詠講對唔住？

東網電視

洪永城喺劇入面鬧人，都要預先同唐詩詠Say Sorry？嘩！佢兩個真係好close喎。

藝員洪永城繼頂替黃浩然拍攝《張保仔》後，再執二攤接替辭演的吳卓羲擔正新劇《實習天使》的男主角，洪永城為新劇試造型時表示：「自己立場嚟講冇話執二攤，最緊要係畀我嘅係好角色，自己會做好角色，唔會唔開心。」

劇中洪永城飾演「魔鬼教官」，經常板着面孔笑言要「虐待」學護，跟他平時嘻皮笑臉的性格相反，他笑說：「個角色對學護好苛刻，監製都叫我要收起笑容、木口木面就啱，諗起有得鬧人都有啲興奮，心理真係有啲變態。」

問洪永城會否難以抽離角色，對着緋聞女友唐詩詠也黑面，他笑說：「可能拍戲會自然入咗戲，咁預先同佢講聲對唔住，自己都學習緊抽離角色，唔係太沉重。」

on.cc東網