蘇頌輝助人為樂

為興趣你可以去到幾盡？現為明珠台節目主持人的蘇頌輝（Desmond），查實畢業於美國名校普林斯頓大學，五年多前他辭去Private Banker的高薪厚職，轉戰娛樂圏之餘，更為了興趣而膽粗粗化身「禮儀先生」，在數年前開公司帶頭推廣禮儀。身為老闆，當然事事上心，不過Desmond百足咁多爪，亦自言要搵人才幫自己：「好多嘢都係自己控制返，Marketing、課程資訊等等，都係自己去處理。都要去搵叻嘅人才幫手管理，信任其他人。」如此全情投入搞生意，原來動力之一來自「助人為快樂之本」，Desmond說：「我鍾意自己呢盤生意幫到人，試過有個韓國學生同我講堂上學嘅嘢幫到佢事業，令我好感動！」開業數年，Desmond已對收入感到滿意，他坦言賺錢無目標，只想做好質量及口碑，自然財源滾滾來。

「禮儀先生」Desmond既斯文又君子，原來他想為自己平反，令人認識西裝外表下的另一個Desmond：「斯文係我本身對其他人禮貌嘅表現，其實我亦都係一個聆聽者，可以同人傾好耐偈去了解對方。講笑話、風趣，都係我另一面。」事業有成、有學歷、單身、Desmond確實稱得上是圈中荀盤，難道他要求高只會喜歡「Perfect池」美女？想結婚的他真心謂：「對方吸引到我就得，唔係指要好靚女，笑容、內涵都會吸引到我。第二就係對我好、愛我。」