曾勵珍接旨傾續約:Bobby好易話為

[22:06] 04/06/2015
東網電視
更多新聞短片

藝人歐陽震華(Bobby)與無綫藝員部傾合約時,被指不被無綫續約,更向他說:「有啱先搵你!」無綫管理層得悉後震驚,下旨無綫戲劇製作總監曾勵珍親自替歐陽震華傾合約。

《東網》致電給曾勵珍,她表示一直都有與對方傾談,亦有跟Bobby的經理人聯絡,她說:「佢(Bobby)係唔高興一啲嘢啫。(咁佢道氣消咗未?)唔知喎!我都叫佢唔好傷自己身,唔緊要啦!都係言語上嘅嘢,冇乜嘢嘅,我又睇住佢大,我都會錫住佢。」

之前無綫高層下旨要為Bobby度身訂造劇本,曾勵珍不諱言會選擇適合Bobby的劇集給他演出:「都係為佢而做,佢之前身體唔好,我都同監製講,搵佢做嘢要睇住,好似小朋友、年長嘅演員咁,佢係受保護嘅動物,大熱天時都唔會開古裝畀佢。」問Bobby對續約有何要求﹗她說:「冇!佢冇乜特別要求,佢好易話為。」