佗B四個月！鍾麗淇做足產檢：無論點都會要

前無綫藝人鍾麗淇（Margaret）無懼女兒患有罕見基因病四號染色體缺損綜合症，依家38歲屬高齡孕婦的她再度有喜4個月，Margaret接受《東網》電話訪問時承認己懷孕四個月，透露已經知道性別，但為保持神秘感，不願與眾分享。被問到是否計劃之內，她表示：「有啲計劃，因為老公同我都有兄弟姊妹，老公知道我有咗非常開心，因為囡囡Isabella有多個伴。」她亦透露懷孕初期作嘔：「初初有咗嗰陣都有作嘔，個女又病，惹到我，所以都好辛苦，又有少少發燒，咁大個人都未試過咁攰，所以依家暫時停咗教yoga，會下個月先教番。」

11月預產期的她希望自然分娩，但要同醫生再商量。Margaret表示因自己是高齡產婦，而女兒亦患罕有病，故第二胎亦做足檢查：「生個女嗰陣未有得Check個罕有病（四號染色體缺損綜合症），依家就Check得到，bb依家好健康，去check唔係話去選擇要唔要，而係有一個準備，無論點都會要（bb），係一個生命。」