【臥床安胎】徐若瑄飽受食物逆流之苦

懷孕約5個月嘅台灣女神徐若瑄（Vivian），今年40歲嘅佢由於係高齡產婦，再加埋Vivian嘅子宮比一般人虛弱，所以造成「子宮頸閉鎖不全」，容易流產。因此佢接受子宮頸環紮手術，以防早產。不過手術後，Vivian嘅子宮無法承受BB帶來嘅重力，所以呢位準媽咪要一直瞓係張床上面，直到BB出世為止。

唔好以為瞓床好容易、好舒服，Vivian今日喺facebook上載咗佢平時臥床嘅pose，見佢要墊高雙腳咁瞓，你都咪話唔辛苦！不過為母則強嘅Vivian十分堅強同樂觀，佢仲留言同「小V寶」打氣：「小V寶，媽咪每天都以食物逆流、腦充血之姿在加油、媽咪知道你一定也很努力！！！雖然不容易，但我們可以的！」