嘉穎求婚送戒指？陳凱琳：我喺花園街買

一眾無綫藝人包括陳展鵬、陳凱琳（Grace）、岑麗香（香香）、洪永城（Tony）、龔嘉欣及胡蓓蔚等人，於下午時分先後現身香港機場，前往出席《第21屆上海電視節》，為其參演的新劇作宣傳工作。當中以陳展鵬人氣最高，獲不少粉絲到現場送機。

對於有指緋聞男友鄭嘉穎借醉求婚，更送贈心形戒指，Grace澄清謂：「個戒指係自己幾年前喺花園街買，50蚊，平買貴用！（嘉穎依家都喺大陸，會唔會見面？）會電話聯絡，正常朋友都會聯絡，朋友見面好正常！」

洪永城自拍慰唐詩詠

而Tony則表示會在上海逗留兩天，為自己主演的新劇《張保仔》宣傳。對於鄭嘉穎及Grace的緋聞，則笑言：「係囉！所以依家嘉穎都唔約我！（會唔會影啲相畀唐詩詠睇？）會影啲靚相畀佢睇！（影邊個部位先？）緊係影樣啦！」而香香則笑言已準備了戰衣，但可能也會穿古裝戲服亮相，故怕古裝頭與戰衣會不相襯。