譚詠麟笑劉浩龍：潔癖中嘅污糟貓

樂壇校長譚詠麟（阿倫）與葉蒨文（Sally）將擔任殿堂填詞人潘源良（潘Sir）作品展嘉賓，三人到電台宣傳，身為校長的阿倫笑說：「我哋係教育界，Sally係主任，我係校長。」隨即踢爆Sally早前打羽毛球擊敗李克勤，阿倫說：「佢好勁o架，跟香港隊同國家隊操，仲打贏克勤同好多男仔。」Sally說：「呢幾個月打番Golf，所以曬到好黑，之前曾經去過北京打羽毛球。」阿倫即場相約Sally打波：「我依家開始學打，我要挑戰你，不過好難Book場。（輸硬畀Sally？）跟佢學嘢。」Sally又透露曾在公開比賽奪獎。

問到潘Sir有否準備大電視給阿倫睇歌詞？阿倫笑說：「集中幾首歌唔怕唔記得。」原來阿倫是作品展神秘嘉賓，潘Sir說：「但係露面嘅神秘嘉賓。」隨即三人互笠高帽，對於劉浩龍日前的「污糟手論」，阿倫說：「我星期三會見到佢，會將佢隻手整污糟啲，我唔知佢有潔癖，我見佢流汗都係用衫抹汗，可能係潔癖中嘅污糟貓，同我一樣。」