洪永城化身張保仔現身上海電視節

藝人洪永城（Tony）遠赴上海出席上海電視節，為其主演的新劇《張保仔》作宣傳，首次參與這項電視圈盛事，Tony為大家直擊現場盛況說：「第一次嚟，見到個場面好震撼，規模好大，我哋三套劇《張保仔》、《無雙譜》同《梟雄》都派咗代表嚟，好熱鬧。所有樓梯、地下都貼住我哋TVB劇集嘅海報，保證嚟到見到都會嘩一聲，今次真係見識到嘢，希望每年都有機會可以參加依項盛事啦！」

Tony笑言難得今日可以重披該劇的戲服，拍攝期間的回憶即湧上心頭：「所有拍攝時嘅開心同辛苦都返晒嚟，今日仲要見番陳凱琳同陳展鵬，都忍唔住傾番拍攝時嘅趣事，大家都好希望套劇可以喺10月順利出街。」