Kabby＠少女標本曾被男友背叛喊到傻

女子組合少女標本現身龍鼓灘，拍攝成員許雅婷（Kabby）的新歌微電影版MV，而成員袁紫僑（Coco）就露背現身，而Kabby都唔輸蝕嚟個大跌膊。劇情講述成員簡淑兒（Jessica）的男友被撞破一腳踏兩船，搭上另一成員溫心，而「小三」溫心就先下手為強摑了男主角一巴，Coco就為好友而大打男主角鄺俊宇。

接受訪問時，Kabby透露各人都推出了一單曲，而四女都會互相穿插於大家的MV。問到可曾遇過男朋友一腳踏兩船的經歷，Jessica就直言：「點會冇，好傷心，細個冇諗過會有人會咁做，喊到傻！」而Kabby笑言好後悔冇諗過打巴佢：「以前冇打，仲求佢唔好走添！」亦直言拍MV都會觸景傷情。另外，Jessica又透露各人推出的新歌都同自己嘅性格好相似，令自己演繹得更投入，而且MV男主角鄺俊宇將會在書展出新書，同時都按照四人的歌曲寫了4個故事。