林穎彤日本拍節目波折重重

無綫藝員林穎彤（Bella）早前到日本拍攝J2節目《安樂窩》東京篇，前後共十五日的旅程可說波折重重，她直言是次經驗令她長大不少：「遇到好多阻滯，例如我哋翻譯嘅Passport過咗期，到日本再搵翻譯，又因溝通問題，去到店主話唔畀拍，要臨時改行程，有啲地方好遠，期間又落雨！化妝、整頭、度稿都要自己搞掂，訓練到我冇咁倚賴！」

第一次到訪日本的Bella把握機會與東京鐵塔拍照留念，可惜因行程緊密未有時間掃貨：「每晚拍攝完啲舖頭都收晒工，有晚去涉谷見到件好鍾意嘅衫，但已經閂咗門，冇得買！好傷心！」