冧囝囝遲到　陳豪同歲零細仔講道理

藝人陳豪（Moses）為無綫新劇《潮流教主》到九龍灣拍攝實景花生騷行橋，同場的藝員一早到齊，當中包括羅仲謙、蔡思貝、李亞男、陳山聰、莊思明以及李佳芯等。Moses遲到，原來掛住錫錫屋企兩個囝囝，笑言：「我趕住過嚟㗎！唔係瞓緊覺，因為塞車，同埋一啲鎖碎嘢。」

其實Moses最近忙於拍劇，很少時間陪家人，他希望可以抽多些時間陪兒子，在工作與家庭之間取得平衡，笑言會向囝囝講道理：「細仔得歲零，但我同佢講道理佢明㗎！我當佢大人咁講，要解釋番好多事嘅因由。（真係明？）畀我感覺好似係，佢都幾早熟！」笑言囝囝沒有被他兩邊白髮的造型嚇親。

提到新沙士肆虐，Moses坦言擔心：「尤其係依家有小朋友，會盡量唔去太多人嘅地方，作為父母就明白會寧願我哋病多過佢哋病！」