網民熱話：網民齊讚《都市閒情》女主持索爆

繼早前大王安德尊同拍擋李錦聯喺無綫節目《都市閒情》上演嘅「無敵鴛鴦摌」成為咗城中熱話後，今次就有網民發現呢個看似只適合畀師奶們睇嘅資訊節目另有亮點，唔止有姚嘉妮、宋芝齡、彭慧中等一眾索爆女主持人有睇頭，就連嚟客串做嘉賓嘅營養師都靚爆鏡，令觀眾層面無限擴展！

夏天，為大地帶來美腿！《都市閒情》入面嘅女主持人亦紛紛換上夏日新裝，人妻姚嘉妮同宋芝齡更不時以低胸、短裙look示人，成功吸納咗唔少捧場客，有網民更話佢哋兩個嘅長腿係全場焦點：「識睇一定睇嘉妮BB同芝齡BB對長長美腿！」

除咗長期坐陣嘅女主持人大有睇頭外，有人仲留意到其中一集客串做嘉賓嘅營養師蔡衍彤一樣省鏡，仲大讚佢唔比其他藝人遜色，隨即引來多人應聲附和。

網民有話兒：

蛋XX：識睇一定睇嘉妮BB同芝齡BB對長長美腿！

cxxny：仲有個次個營養師！拍埋係d（啲）artist隔離（籬）都無得輸！

布lalaxx:個營養師真係好正呀～～～～

xx頭：根本呢個就唔係比（畀）師奶睇嘅節目，而係獨男恩物。