吸金王吳若希認睇三千萬豪宅

「女神」吳若希（Jinny）吸金力愈來愈強，廣告一個接一個，又頻頻獲邀擔任晚宴騷嘉賓，密密執下，孝順女Jinny短短半年內已榮升千萬富婆，賺到錢，當然想為家人建個安樂窩，日前已漏口風表示有意「入市」，心動不如行動。

中午，Jinny在地產經紀陪同下到尖沙咀睇何文田豪宅的示範單位，見她主攻三房單位，又不停與經紀密斟及睇報價單，Jinny逗留半小時後獨自離去。據悉，今日樓盤只是開放給VIP人士。

最緊要家人住得舒服

原來Jinny相約好友Kellyjackie醫肚，戴上口罩的Jinny大方承認睇樓盤，她說：「頭先望過吓啦！（心動？）Out Of Budget（超出預算），依家都未定買邊區、自住定收租，希望呎價喺萬幾蚊，今日睇嗰到要兩萬幾至三萬幾蚊一呎，完全過晒我嘅預算，不過睇吓都好，參與吓唔同樓盤、發展商同裝修。」

由於Jinny所睇的過千呎三房單位，入場費最少三千萬，問Jinny心目中入市價錢？她說：「希望可以八百至九百萬，問題係呢個價錢未必買到好嘅地段，不過最緊要屋企人住得舒服。」