陳豪夫婦撇低囝囝　享受二人世界

藝人陳豪與太太陳茵媺（Aimee） 向來恩愛， 日前兩夫婦更撇下約一歲半大的大仔Aiden及約四個多月大的細仔Nathan，雙雙前往九龍區商場行街過二人世界。

當日下午五時許， 陳豪與Aimee雙雙穿上橫間夫妻裝出巡，他倆先到名店購物，未幾已大有斬獲。陳豪亦全程做廿四孝老公，充當阿四為太太拿大袋戰利品。其後兩夫婦步往戲院方向，但轉頭又折返，迷了路的陳豪多次頭岳岳，四處尋找指示牌，途經咖啡店時便入內買咖啡飲，於店內逗留約十分鐘才步出。

陳豪甫見記者在場即一臉愕然，定過神來才笑笑口打招呼，還放下戰利品與太太讓記者影合照，Aimee說：「我哋趁得閒出嚟幾個鐘行吓街，依家要趕返屋企湊仔喇！其實老公都拍緊劇，咁啱佢今日唔使開工，咪一齊行街囉！」

說罷兩夫婦往停車場取車，但期間又迷失停車場，兜了數個圈仍找不到座駕，邊行邊搵車的Aimee，更熱到除下外套散熱。其後終成功找到座駕，Aimee臨上車時更一臉興奮地跟記者揮手道別。