港姐起底　「高挑Charlie」曾奪十優狀元

《2015香港小姐競選》首輪面試中，學歷超晒班兼被認為最有「冠軍相」嘅「高挑Charlie」麥明詩（Louisa）除咗被爆就讀英國名牌大學劍橋嘅法律系外，原來佢仲係2009年拔萃女書院嘅十優狀元。當年，佢受訪時透露父親是名校副校長，母親是職業治療師：「媽咪會買好多玩具刺激我腦部發展，又會同我一齊做手工幫助手部協調。」當時佢認為現時政府施政欠完善，希望將來從政當女特首，改善香港至更完美。真係估到估唔到，Louisa未選特首先選港姐！另外，麥明詩小時候曾經參加小太空人訓練計劃，細細個就已經到過美國接受訓練喇。