陳豪加大碼變中碼 全靠「懶人減肥法」

20150619
東網電視
更多新聞短片
陳豪能成功由加大碼(XL)減至近中碼(M),全賴有效飲食調節。
無綫藝人陳豪、羅仲謙(謙仔)與泰臣日前為新劇《潮流教主》拍外景,劇情講述,飾演男模的謙仔到潮流雜誌社打工,遇上「人見人驚」的總編陳豪,本來打算向對方遞上辭職信,怎料當場遭陳豪撕碎辭職信兼訓話,令謙仔嬲到爆!
早前於《水髮胭脂》身形暴脹的陳豪,拍攝時穿上西裝、戴上墨鏡,體型明顯清減不少,他直言接到劇本後即修身,更自稱是「減肥專家」,以「懶人減肥法」由加大碼(XL)減至近中碼(M),並謂獲太太陳茵媺(Aimee)支持,陳豪笑謂:「我乜都唔使做,只係喺食方面調節,一啲都唔辛苦。Aimee叫我減咗好耐,雖然冇嫌我肥,但叫我瘦多啲。(依家有腹肌?)okay啦,有幾嚿見吓人咁囉。(老婆有讚?)係呀!」提到該劇有靚衫配靚景,問到私下的服飾配搭?陳豪表示平日會問Aimee意見:「佢fashion sense強啲、taste好啲,我冇咁叻。」
謙仔透露稍後開拍愛情電影及劇集,又預告戲中將要騷身材,故目前亦開始Keep Fit。拍愛情片少不免親熱鏡頭,問到另一半會否呷醋?跟楊怡戀情日漸明朗化的他笑謂:「佢應該恭喜我又有搵錢機會!(賺好多?)總算有少少收穫,之後打開更大市場。」兩人近日屢被拍得去睇樓,問密密搵銀的他是否為買樓?謙仔說:「我係想買樓,但依家買樓係抽籤,所以冇運都買唔到,自己想用嚟投資,可惜冇乜運。(要成家立室都要快?)隨緣啦。」