王宗堯同郭奕芯肉搏好舒服

藝人王宗堯出席電影煞科宴，邵音音、徐天佑等都有出席。

只為電影開了三日工的宗堯大讚今次拍得大膽，更繼上次在電影《壹獄壹世界》後，他又再次接近全裸上陣，他說：「大家都冇乜底線，亦都冇乜底褲。（全裸？）接近啦！但視覺上係好睇嘅！我有問過導演嘅，佢唔想睇！」

之後宗堯更賣口乖，大讚導演錫自己，加上早排自己腳部因工受傷，令自己和郭奕芯（Ashina）的親熱戲不太辛苦，他笑說：「呢部戲其實某程度上都要（埋身肉搏），但佢拍得出嗰種青春氣息同青春無悔嘅感覺，我相信導演佢哋係拍得出香港會有嘅藝術片。」之後更直言與Ashina做對手戲未覺尷尬，認為多個地方例如荷李活、日本甚至大陸亦如是。

呻包拗頸「惡撈」

另外，宗堯道出現時香港的電影和電視日趨「合拍」，從而令市場上少了一份香港本土味道。問是否不想拍合拍片？他說：「合拍片當然有佢嘅好處，有大陸市場、資金，唔使咁辛苦，但題材上可能係限制咗，自己取捨囉，如果你想搵錢，而且令知名度大增的話，係一個途徑嚟嘅，如果你想好似我咁包拗頸，就試吓做多啲嘢先。」宗堯更以荷李活A級影星為例子，認為拍獨立片能夠得到很多磨練。