囡囡撞爆眼眉　胡諾言勁肉赤：痛在我心

可憐天下父母心！現時身處大陸拍劇嘅藝人胡諾言，唔單止因為要搵銀冇得同家中兩位千金以及嬌妻陳琪齊齊慶祝父親節，仲要明知細女胡芷悠撞爆眼眉兼要做手術，都冇得親自陪伴，難怪佢牙痛咁聲！

心掛掛嘅胡諾言，有喺社交網上載囡囡眼傷相，見芷悠貼住一大塊膠布，認真我見猶憐！胡諾言就留言話：「前幾天得知細女眼眉位置撞爆做手術，由於身處內地拍攝《公公出宮》未能即時回港，終於體會傷在佢身，痛在我心感覺！父親節未能跟家人見面，唯（惟）有說聲 i love you all！並祝天下父親的寶見（貝）永遠健康快樂！」