湯駿業大讚湯凱婷@小塵埃演得夠放

舞台劇演員湯駿業接受電台訪問，講到早前自編自導自演的舞台劇找得DJ當奴和小塵埃演出，他大讚他們的表現：「小塵埃係surprise，初初一見佢哋，覺得佢哋好年輕同青澀，純情到令我覺得呢個世界上係冇呢啲人，特別係Pollie（湯凱婷），如果我讀書時遇到呢啲女仔係會唔敢掂，因為驚一掂就會好似玻璃咁碎，所以排戲嗰陣都有啲擔心，我排咗個好惡嘅包租婆角色畀佢，結果佢好放咁演，最後係out of expectation咁好！至於阿奴就唔使講，角色係度身訂造畀佢，做得唔好佢就抵打，到最後佢仲受歡迎過我條線，不過佢得到大家鍾意我都好開心！」

他亦透露是次舞台劇推出了原聲大碟，其中歌曲是講跟某些人雖然互有好感，但彼此卻不能相愛，問到可是個人經歷？他則笑言：「聽到啲咩就咩啦，不過其實總有嘅，創作故事有感情係touched啲。」